Gjykata e Tiranës e ka dënuar me 5 vite burg Vladimir Gjutën, i arrestuar me një arme me vete pranë selisë së PS. Gjuta u fajësua për “mbajtje pa leje të amëve luftarake” dhe për “mbajtje pa leje të armëve të ftohta”. Gjuta u arrestua në 10 Shkurt të vitit 2020 pranë selisë së Partisë Socialiste. Ai u konstatua nga efektivët e Gardës i armatosur me një pistoletë, të cilët ndërhynë duke e ndaluar.
Në momentin e ndalimit, Gjuta ka pasur një çantë krahu të fryrë, çka e vendosi në fokusin e gardistëve. Gjatë kontrollit fizik 40-vjeçarit iu gjet një pistoletë më një fishek në grykë si dhe një shumë e konsiderueshme parash. Në lidhje me këtë ngjarja prokuroria kërkoi 5 vite burgim për Gjutën, të njëtin dënim që ka dhënë dhe gjykata ditën e sotme.