• |
ide | kryesore

Katër ish-të burgosur politikë flasin për “DW”: Fotografitë e Enver Hoxhës për ne janë persekutim i dytë!

-Instant, Arkiva, Lajme, Të fundit

Katër ish-të burgosur politikë protestuan në Qafë Bari në formë të një greve urie. Sot ata dalin në protestë në Tiranë. Një intervistë me organizatorin e grevës.


Deutsche Welle: Zoti Martini, ju ishit katër javë në grevë urie. Përse e bëtë në Qafë Bari?


Huanito Martini: Ne e kemi filluar grevën e urisë në Tiranë, por policia nuk na lejoi, na përndoqi me dhunë, dhe ne shkuam më pas në Qafë Bari. Më 11 maj e ndërpremë grevën para kohe, sepse dy prej grevistëve ishin në gjendje të rëndë. Por nuk do të tërhiqemi, do të dalim sot (e mërkurë, 12.05.21) në protestë në Tiranë.

Cilat janë kërkesat tuaja?

Ne duam një paketë të re ligjore për të gjithë të përndjekurit e komunizmit. Duam të na paguhet puna e detyruar që kemi bërë nëpër burgje. Ka shumë ish-të-burgosur që janë dënuar për vepra penale, që nuk konsiderohen politike dhe nuk janë rehabilituar ende, konsiderohen si terroristë.

Ju kërkoni që të ndalohen edhe simbolet e komunizmit. Përse?

Në kohën e komunizmit janë masakruar njerëz të pafajshëm, fëmijë, të moshuar, gra. Kur shikoj çdo 5 maj se si shkojnë me portretin e Enver Hoxhës bëjnë homazhe te varrezat, për mua është një persekutim i dytë. E të paramendosh që këta njerëz marrin edhe pensione si veteranë të luftës.

A jeni përpjekur t’i realizoni kërkesat tuaja me rrugë ligjore?

Jo. Deri tani jo. Sepse nuk na mbron ligji.

Keni kërkuar mbështetje nga organizata ndërkombëtare ose nga ambasadat?

Unë u kam dërguar letra të gjitha institucioneve, parlamentit, kryeministrisë, ambasadave, edhe ambasadës gjermane. Deri tani vetëm përfaqësia e OSBE-së na ka pritur në takim. Të tjerët nuk kanë kthyer përgjigje.

Ju keni qenë vetë në burgun famëkeq të Qafë Barit. Aktualisht në Bavari po shqyrtohet mundësia e një aktakuze kundër ish-drejtorit të këtij burgu. A do të dilni ju të dëshmoni në këtë gjyq?

Jo. Problemi është se duhet të bëhet një ligj për të gjithë. Se këtu kemi kriminelë edhe më të mëdhenj se Edmond Caja që kanë qenë me poste në këto 30 vjet. Jo vetëm në Qafë Bari. edhe në Burgun e Bulqizës ishte një komandaturë dhe një xhandarmëri kriminale. Prandaj duhet të nxirret një ligj për të dënuar gjithë krimet e komunizmit.

Huanito Martini, nga Shkodra, u dënua në vitin 1980 në moshën 18-vjeçare për sabotim të pronës socialiste dhe u dërgua në burgun famëkeq të Qafë Barit. Pas revoltës së Qafë Barit, më 22 maj 1984, në gjyqin që iu bënë pjesëtarëve të revoltës, Martini thotë se ka qenë pa ndjenja../ DW

3 Comments

  1. Po fotot e Hysni Kapos? Apo ato ska problem…. Gallata e madhe eshte qe nexhmija i ngrysi ditet ne nje shpi tek pularia ne laprake, ndersa ky pidhçi Hysniut na fanepset si fantazma e te shkuares neper studio nate per nate. Te gjithe merren me enverin, por harrojne qe nje enver e ke gjalle akoma, Dr. Mortja i PD. dhe spermatozoidet e anetareve te tjere te bllokut i ke verdalle akoma duke na bere moral per demokracine, nepermjet revolucionit te republikes se re…. hapu dhe te futem….

  2. Po cfar prisni akoma nuk e keni kuptuar qe gjithcka e vendos politica bashkohuni te persekutuar ish te burgosur politi ish pronar dhe krijoni nje parti politike a e kuptoni qe jeni nje force e madhe jeni 35 % 40 % e popullsis

Lini një Përgjigje

Adresa juaj email s’do të bëhet publike.

Kthehu