Një ndeshje e shtyë njëherë, por që sërisht kthehet problematike. Përballja e sotme mes Manchester United dhe Liverpool, në Premier Ligë, ka nisur me tension që jashtë stadiumit, kur protestat e tifozëve të Red Devils kundër presidencës së Glaizer kanë degjeneruar në një akt të shëmtuar që ka terrorizuar skuadrën e Liverpool.
Sapo autobusi me skuadrën e Klopp ka mbërritur në Mançester, tifozët vendas e kanë bllokuar në rrugë, duke e ndalur me makinat e tyre, pavarësisht prezencës së forcave të policisë. Mjetit i janë shpuar gomat dhe për orë të tëra situata mbeti e pandryshuar, duke frikësuar lojtarët e Reds.