Situata e pazakontë me plehrat në Durrës, në mes të sezonit turistik, vazhdon.
Gazetarja Klodjana Haxhiaj që ka raportuar këto ditë mbi situatën e krijuar ka qenë sot në Shkozet, ku mbrëmjen e kaluar janë transportuar tonelata me plehra. Në vështirësi serioze gjatë raportimit për shkak të erës së rëndë, ajo tha se kjo është një zgjidhje emergjente e momentit nga ana e bashkisë së Durrësit, teksa jetesa në këtë zonë është bërë e padurueshme dhe banorët janë çuar në protestë.
“Ndodhem në lagjen 14 në Shkozet të Durrës, në vendin ku deri para pak ditësh ndodheshin qentë rrugaçë. Ditët e fundit po shërben si vendgrumbullim i mbetjeve urbane. Mbledhja e tyre ka bërë që banorët e Shkozetit të hidhen në protestë. mezi flas për shkak të erës së rëndë që lëshojnë plehrat e dekompozuara nën temperaturat e larta.
Është e padurueshme jetesa në këtë lagje, ndërkohë që kjo është një zgjidhje emergjente e momentit që mundi të bëjë bashkia e Durrësit, pasi prej 6 ditësh plehrat mbetën rrugëve, duke mbushur trotuaret. Bashkia e Durrësit ka kërkuar ndihmë nga bashkitë e tjera. Gjatë natës së kaluar një duzinë kamionë janë dërguar në bashki të tjera në veri për t’u menaxhuar.
Kreu i PD Durrës Ferdinand Xhaferri ka qenë pak minuta më parë dhe ka folur me banorët.
I gjithë sezoni turistik i rrezikuar. Pas mbylljes së vendgrumbullimit të plehrave në Porto Romano, bashkisë nuk iu dha mundësi për vendgrumbullimin e tyre”, raportoi Haxhiaj për “Neës 24”.
E njejta loje qe dikur para disa vitesh e beri mafia napolitane(kamorra) ne itali , por me te vetmin ndryshim se ketu kete joje po e bene politika dhe politikanet .
Ne c’fjalor e keni gjetur fjalen *kutërbim” ?