Një shumë prej 20.080 euro është sekuestruar nga shërbimet e Policisë Kufitare në Kakavijë. Në njoftim thuhet se gjatë kontrollit të ushtruar në një automjet tip “Jeep” shërbimet doganore gjetën në çantën e shtetases L. F., 58 vjeçe 20080 euro të padeklaruar. Policia njofton se shuma e parave u sekuestrua në cilësinë e provës materiale.
Shtetasja L. F. është proceduar penalisht për veprat penale “Mosdeklarimi i të hollave dhe sendeve me vlerë në kufi” dhe “Pastrimi i produkteve të veprës penale ose veprimtarisë kriminale”.