Romelu Lukaku kthehet për të folur për Interin, duke zbuluar një prapaskenë merkato në marrëveshjen që e çoi atë te Chelsea për 115 milionë euro: “Kur Chelsea ofroi 110 milionë plus Zappacosta, ishte oferta e tyre e tretë, e kuptova se gjëja ishte bërë serioze dhe nuk isha më i qetë në kokën time. Interi refuzoi përsëri, kështu që unë shkova të flisja me Simone Inzaghin në zyrën e tij për të gjetur një marrëveshje”.
Duke folur nga grumbullimi i Belgjikës për HLN.BE, sulmuesi kujton: “Unë isha te Inter, por me mendjen time isha tashmë te Chelsea”. Lukaku falënderon zikaltrit në mënyrën e tij: “Interi më nxorri nga m**i, unë do ta kisha lënë Interin vetëm për Chelsea”.