Policia e Dibrës ka arrestuar dy persona, babë e bir, të cilët janë paraqitur në doganën e Bllatës me teste PCR fals. Të dy ata kanë dashur të futen në Maqedoni duke mos kryer një test të rregullt PCR, por janë mjaftuar me falsifikimin e të dhënave, gjë që duket se do t’u kushtojë shumë.
“E. N., 47 vjeç; E. N., 24 vjeç, (babë e bir), banues në Peshkopi. Arrestimi i tyre u bë pasi, gjatë verifikimit të dokumentave në lidhje me masat anti-covid, dhe kufizimet që zbatohen gjatë udhëtimit për kalimin e kufirit, shtetasit e lartëpërmendur iu kanë paraqitur shërbimeve të Policisë në PKK Bllatë, formularë vaksinimi me të dhëna të rreme e të falsifikuara, me qëllim kalimin e kufirit”, njofton policia.