Ka marrë flakë një banesë në lagjen “Manalat” në Gjirokastër pasditen e sotme. Zjarrfikëset kanë shkuar në vendngjarje për të bërë të mundur shuarjen e flakëve. Ndonëse po bie shi i madh pa pushim, kjo gjë nuk ka favorizuar shuarjen e flakëve te banesa dykatëshe në pjesën qendrore të lagjes së sipërme të Gjirokastrës. Banesa i përket fisit Kokalari dhe prej kohesh rezulton e braktisur.