• |
ide | kryesore

5 efektivë të arrestuar në Lezhë/ Gledis Nano: Më keni në krah, por s’ka tolerim ndaj atyre që neglizhojnë detyrën

-Instant, Arkiva, Lajme, Të fundit

Pas operacionit policor të zhvilluar në Lezhë, Drejtori i Përgjithshëm i Policisë së Shtetit, Gledis Nano ka zhvilluar një takim me strukturat e Policisë vendore ku ka prezantuar dhe drejtorin e ri të DVP Lezhë, Oltion Bistri. Rikujtojmë se në këtë operacion ranë në pranga dhe 5 efektivë të policisë. Nano iu drejtua efektivëve duke thënë se nuk do të tolerohet askush që neglizhon detyrën, aq më tepër nëse bëhet palë me krimin.


“Lufta pa kompromis ndaj grupeve kriminale dhe toleranca zero ndaj kultivimit të bimëve narkotike janë prioritet dhe sfidë, ndaj së bashku me drejtorin e ri të angazhoheni për t’i dhënë një impuls të ri jo vetëm kësaj sfide, por gjithë prioriteteve që ka Policia e Shtetit.


Më keni në krah në punën tuaj për të arritur objektivat, por ju siguroj se nuk do të tolerohet asnjë punonjës policie që neglizhon detyrën apo më keq akoma, që bëhet palë me krimin. Respektoni qytetarët, shërbejuni atyre duke iu ofruar një shërbim sa më cilësor, zbatoni ligjin dhe vetëm ligjin dhe ju siguroj se do jem përherë suporti juaj.

Disa punonjës policie brenda strukturës nuk mund ta prishin imazhin e Policisë së Shtetit, duke zhbërë punën e mirë që është bërë deri tani, ashtu sikurse disa individë të tjerë nuk mund ta sfidojnë Policinë”, tha Nano.

1 Comment

Lini një Përgjigje

Adresa juaj email s’do të bëhet publike.

Kthehu