Më shumë se 18000 qytetarë që kanë marrë dozën e tretë të vaksinës. Lajmi është bërë i ditur nga ministrja e Shëndetësisë, Ogerta Manastirliu në një postim në rrjetet sociale.
“Më shumë se 18000 qytetarë e kanë marrë dozën e tretë të vaksinës në këto ditë të para të nëntorit, si një garanci më shumë për të qenë të mbrojtur e për ta përballuar më mirë dimrin që është në prag. Kontakto mjekun e familjes. Vaksinohu, jeta jote vlen”, shkruan Manastiliu.
Kujtojmë se prej 1 nëntorit ka nisur edhe vaksinimi i fëmijëve 12-15 vjeç me sëmundje shoqëruese si dhe i atyre mbi 16-vjeç.