Dy të huaj të moshës 33 dhe 37 vjeç janë arrestuar, në Athinë, nga policia, për vjedhje në bashkëpunim, dhunë dhe rrëmbim.
Mediet greke raportojnë se 2 autorët hynë në shtëpinë e një 23-vjeçari dhe pasi e neutralizuan, i grabitën para. Por nuk mbaron me kaq.
Duke përdorur dhunë, hajdutët e lidhën me tel 23-vjeçarin dhe i kërkuan të telefonojë prindërit që të bëjnë gati një shpërblim në kërkim të lirimit.
Pas thirrjeve të 23-vjeçarit për ndihmë, banorët e zonës kanë njoftuar policinë, e cila mbërriti menjëherë në vendin e ngjarjes, duke bërë të mundur arrestimin e autorëve.
Në vendngjarje u gjet dhe sekuestrua një copë teli, shufër metalike 86 cm e gjatë dhe një shufër druri 71 cm e gjatë. Raportohet se ngjaraj ka ndodhur më 13 dhjetor.