Anëtarët e Partisë Demokratike që nuk kanë mundur ende të votojnë në referendumin e ditës së sotme, për shkarkimin e Lulzim Bashës si kryetar i PD-së, do të kenë mundësinë t’u drejtohen qendrave të votimit deri në orën 18.00. Komisioni i Organizimit të Kontrollit dhe Operacioneve Elektorale njoftoi se Komisioni vendosi për shtyrjen e orarit të votimit me një orë.
Njoftimi shton se nëse edhe pas orës 18.00 do të ketë fluks nëpër qendra, procesi i votimit do të vijojë “deri sa të ketë votuar edhe anëtari i fundit i PD”. Ndërkohë, Komisioni i Rithemelimit ka bërë raportimin për pjesëmarrjen e votuese deri në orën 15.00.
Numri i votuesve vijon si më poshtë, sipas Komisionit:
Shkoder: 3,660
Lezhe: 2,670
Kukës: 1,550
Diber: 1,529
Durres: 4,840
Tiranë: 7,536
Elbasan: 2,796
Berat: 893
Korce: 2,655
Fier: 3,415
Gjirokaster: 1,288
Vlore: 1,273
Në total në rang vendi, njoftohet se numri i pjesëmarrësve deri në orën 15.00 ishte 34, 105.
Pirdh se lirohesh o malok Vucidoli