Nisur me situatën e krijuar nga pandemia e koronavirusit, në ditët e fundit, për shkak dhe të qarkullimit të variantit Omicron, Komisioni Federal për Mbrojtjen nga Rreziqet Sanitare në Meksikë autorizoi përdorimin emergjent të vaksinës kubane kundër koronavirusit.
Sipas autoriteteve përgjegjëse, kjo vaksinë e quajtur Abdala përshtatet me rregullat meksikane të sigurisë, efikasitetit dhe cilësisë. Një person që vaksinohet me Abdala duhet të marrë 3 doza të ndara me intervale 14-ditore dhe kjo vaksinë duhet të ruhet në temperatura 2-8 gradë.