Pavarësisht dorëheqjes së paralajmëruar, tifozët meksikanë dhe i gjithë populli nuk kanë arritur të qetësojnë instinktet dhe zemërimin e tyre. Sapo ka mbërritur në aeroport, tashmë ish-trajneri i Meksikës Tata Martino është sulmuar verbalisht nga shumë mbështetës. “Hajdut”, “Shakaja më e madhe e Meksikës”, “Shkatërrimi ynë”.
Këto janë vetëm disa nga ofendimet e drejtuara për Tata Martino. I kapur nga videot e ndryshme të publikuara nga mediat vendase, tekniku u shfaq i shqetësuar dhe i hidhëruar nga pritja e trishtë. Në vorbull ka qenë edhe ndihmësi i Tata Martino. Madje Norberto Scoponi, sipas zërave të parë, është përfshirë në një konfrontim direkt me një tifoz dhe e ka goditur me një shuplakë këtë të fundit.
Lexo më tej: Video/ Meksika mposht Arabinë Saudite, por përshëndet Botërorin: vendos diferenca e golave
Meksika nuk arriti të kalonte grupin, e lënë pas nga Argjentina e Polonia. Dramatike ndeshja e fundit, ku vetëm një gol i la jashtë 1/8 meksikanët, pavarësisht fitores ndaj Arabisë Saudite. Në dëm të tyre avancoi Polonia e mundur 2-0 nga Argjentina në ndeshjen e fundit. Një gol më shumë i Meksikës, ose një i shënuar më tepër nga Seleccion do kishte cuar në 1/8 skuadrën e Tata Martino. Në grup, Meksika barazoi me polakët e u mund nga Messi e të tjerët.