Atentati në Don Bosko, sekuestrohen 100 kamera sigurie

Dy ditë pas atentatit që tronditi Tiranën në një lokal në “Don Bosko”, pasi 35-vjeçari Erion Çela mbeti i vrarë dhe katër të tjerë u plagosën policia po vijon hetimet me qëllim identifikimin dhe kapjen e autorëve. Mësohet se janë sekuestruar mbi 100 kamera sigurie nga zona ku ndoshi ngjarja e rëndë. Kamerat e sigurisë janë sekuestruar dhe po këqyren nga policia, me qëllim zbardhjen e itinerarit nga ka lëvizur makina e autorëve para dhe pas krimit, që tronditi kryeqytetin.  Po ashtu autoritetet po kryejnë kontrolle edhe në serviset e varrezat e makinave, pasi ka dyshime që makina e krimit të jetë çuar për pjesë këmbimi.