SHBA dhe BE deklaratë të përbashkët: Mbështesim vijimin e vettingut në Shqipëri

Bashkimi Europian dhe SHBA kanë shprehur mbështetjen e tyre në vijimin e procesit të vetingut në kuadër të reformës në drejtësi në Shqipëri.

Deklaratë e përbashkët për shtyp e Delegacionit të BE-së në Shqipëri dhe e Ambasadës së SHBA në Tiranë

Gjatë viteve të fundit, Shqipëria ka bërë përparime domethënëse në reformat e anëtarësimit në BE. Ndër hapat më të vështirë, por thelbësorë, ka qenë miratimi dhe zbatimi i reformës në drejtësi. Jemi në një moment të rëndësishëm pasi reforma në drejtësi po jep rezultate.

Vetingu i gjyqtarëve dhe prokurorëve është një element themelor i reformës në drejtësi. Për t’u mundesuar institucioneve të vetingut të kryejnë misionin e tyre, është i nevojshëm ndryshimi i kushtetutës për ta zgjatur mandatin e tyre për një periudhë të kufizuar. Komisioni i Venecias konfirmoi se zgjatja e propozuar ështě në përputhje me standardet evropiane dhe është e nevojshme për të garantuar barazině para ligjit dhe sigurinë juridike.
Je konfuz se cfarë dhurate të bësh për Shën Valentin? Këtu gjen disa Ide..
SHOP MANIA Reklamë nga boost.al
Je konfuz se cfarë dhurate të bësh për Shën Valentin? Këtu gjen disa Ide..

Zgjatja e propozuar e vetingut mbështetet fuqishëm nga miqtë e Shqipërisë që dëshirojnë ta shohin Shqipërinë në BE sa më shpejt të jetë e mundur. Kjo nuk është çështje partiake. Shpresojmë që të gjithë deputetët – pavarësisht nga përkatësia partiake – ta shohin këtë si një çështje të interesit kombëtar dhe të votojnë në përputhje me të. ashtu siç kane mbështetur gjithmonë rrugën evropiane të Shqipërisë. Vota për zgjatjen e vetingut është votë për të ardhmen e Shqipërisë në BE.