Pas fitores së Partisë Socialiste në 4 nga 6 bashkitë, ku u votua në zgjedhjet e pjesshme lokale ka ardhur edhe reagimi i kryeministrit Edi Rama. Kur pritet edhe një fitore e radhës në Durrës Rama ka zgjedhur të urojë fituesit dhe të gjithë ata që u angazhuan për këtë rezulta përmes një postimi në facebook. Kreu i qeverisë shton më tej se rezultatet e Partisë Socialiste ishin përtej parashikimeve dhe optimiste.
REAGIMI I PLOTË:
“Zgjedhjet e djeshme i dhanë Partisë Socialiste as më shumë e as më pak se sa prisnim. 5 nga 6 bashkitë në garë, me një fushatë pa i ndezur motorët e qendrës dhe me një hendek votash nga rivalët edhe më të madh se sa tregonin projeksionet tona. Urime fituesve dhe faleminderit të gjithë atyre që u angazhuan për këtë rezultat, po mbi të gjitha faleminderit zgjedhësve, të cilët dje ushtruan pushtetin e tyre vendimmarrës në interes të komunitetit. Thënë kjo, nuk rri dot pa shtuar sot se ajo që po ndodh në më pak se dy orë vijë ajrore nga Shqipëria, e bën të pamundur shijen legjitime të kësaj fitoreje. Sa hap e mbyll sytë bota ku jetonim ka rindryshuar përsëri. Por ndryshe nga ndryshimi i përkohshëm që na ka imponuar pandemia, ky rindryshim duket se nuk do të jetë aq i përkohshëm. Lufta po vret e po shkatërron në Ukrainë, por po i fut kthetrat e ndikimit të saj kudo, në tregjet e mëdha e të vogla, ku jeta e përditshme po shtrenjtohet orë e minutë nën bombat e pasigurisë që lufta mbjell kudo.
Sa hap e mbyll sytë filmat me Luftën e Tretë Botërore, armët atomike, shkretimin e vendbanimeve, ia kanë lënë vendin realitetit të jetës sonë, ku duket sikur s’ka më asnjë çmenduri të pamundur dhe sikur as vetë fundi i botës, nuk mund të përjashtohet si një nga skenarët e mundshëm. Ndërkohë ne kemi fituar Dibrën, Durrësin, Lushnjën, Vorën e Rrogozhinën, me rezultate përtej parashikimeve më optimiste! Por sot lartësia e sfidës është ku e ku më shumë marramendëse, se sa mirëqeverisja e këtyre bashkive dhe se sa të gjitha sfidat qeverisëse deri fare pak ditë më parë. Ia dolëm me tërmetin dhe me pandeminë, e gabimisht menduam se më e keqja kaloi. Kjo që sapo na ka dalë përpara është më e keqja fare. Duhet me se s’bën t’ia dalim edhe kësaj. Të bashkuar, jo të ndarë”, shkruan Rama.
PS fitoi pa bere fushate elektorale fare
100 000 flete dolen te pavlefshme ne zgjedhjet e fundit partiake . Rast unikal ne bote .
Gabim i madh i opozites qe pranoj te futet ne zgjedhjet e djeshme , ku vazhdon kryetar I. Celibashi.
Manipulimet me te ndyra dje ne Durres, ku nje njeri i panjohur teresisht ne durres , fitoj kundrejt dy emrave intelektuale dhe me reputacion qe njihen nga i gjithe quteti . Turp.
Po per Ukrahinen e vogel te 5 Maji, tek Lapraka e Paskuqani ku fadromat tuaja po rrafshojne shtepite
e banoreve duke ua zhdukur brenda pak castesh mundimin e nje jete, duke ua bere shkrumb e hi , te
tashmen e te ardhmen e tyre. Bota u solidarizue me Ukrahinen, e u bene bllok kunder Putinit,por
shqiptaret votuan kete te diele per ata qe agresuan shtepite e banoreve te ketyre lagjeve te Tiranes,
votuan per rrafshimin e shtepive te sivellezerve te tyre pa e vrare mendjen se neser do te jene
ata viktimat e radhes, dhe do te zgjohen nen rrenojat e shtepive te tyre.
Per te degjuar kete perversin ke punuar dhe je gezuar Bushat.
Ky vend ka pjerdh me kohe e vakt,……..njerzit nga dele jane kthyer ne lepuj, voton per struktura kriminale , fitoi banda e coles dhe humbi banda e rruges kavajes, lepujt votojne qe te hane nje cap buke
O edi o bosi