Goli i Kalulu i dha Milanit tre pikë në ndeshjen kundër Empolit. Një sfidë e ndërlikuar që i lejoi kuqezinjtë gjithësesi të konsolidojnë kryesimin e renditjes: “Ndeshja tjetër është më e rëndësishmja – komentoi Pioli në fund të ndeshjes – ne duhet të mendojmë kështu sepse jemi aty për të luftuar për diçka të rëndësishme”. Renditja është gjithmonë “virtuale”: “Do të ishte më e rregullt sikur të gjitha skuadrat të kishin luajtur të gjitha ndeshjet. Kundër Empolit ishte një fitore e rëndësishme”.
“Empoli vrapoi shumë dhe mirë, ne gabonim daljet në pjesën e dytë dhe e patëm të vështirë”. Milani është në garë për titullin: “Unë do të flas për këtë vetëm para ndeshjes së fundit. Nuk kam ndërmend të firmos për vendin e dytë, dua që djemtë e mi të vazhdojnë të japin më të mirën e tyre. E kemi parë sa e vështirë është është për t’i fituar ndeshjet, nuk do të shohim as shumë përpara, as shumë prapa”.
Suksesi erdhi pas një paraqitjeje me dy fytyra, por fitorja peshon shumë: “Ne ishim pak më larg njëri-tjetrit në pjesën e dytë, edhe për shkak të lodhjes. Nëse duam të bëjmë presion përpara, duhet ta bëjmë të gjithë, ndonjëherë edhe falë Empoli, arritëm të rikuperonim topin në sulm. Rrezikuam pak në pjesën e dytë sepse bëmë më pak lëvizje, duke u kënaqur me qarkullimin. Duhet të përmirësojmë çdo situatë, por nëse nuk e dominuam lojën, është e vërtetë që ne e kontrolluam me kujdes. Të fitosh në këtë mënyrë do të thotë se skuadra ka mentalitet fitues sepse në ndeshjet e ardhshme betejat do të jenë edhe më të ashpra”.