Çfarë dëshmoi Johnny Depp në gjyqin kundër Amber Heard

Aktori Johnny Depp mori qëndrim në një gjykatë në Fairfax, Virxhinia të martën në rastin e tij për shpifje kundër ish-bashkëshortes Amber Heard.

Në dëshminë e tij afërsisht tre orëshe, e cila do të vazhdojë edhe gjatw ditws sw sotme, ylli i nominuar për Oscar foli në detaje për akuzat e Heard për abuzim në familje, historinë e tij me abuzimin me substancat dhe marrëdhëniet e tyre.

“Qëllimi im është e vërteta”, tha Depp në fillim të fjalës së tij.

Depp, i njohur për punën e tij në ekskluzivitetin “Pirates of the Caribbean”, po padit Heard për 50 milionë dollarë në një gjykatë të Fairfax County, Virxhinia për një shkrim të Washington Post të vitit 2018, në të cilin ajo shkroi për përvojën e saj me abuzimin në familje.

Depp nuk përmendej me emër në artikullin e Heard.

Në vitet para publikimit të tij, Heard kishte pretenduar se Depp i kishte nxirw fytyrën pas njw pwrplasje fizike në shtëpinë e tyre në Los Anxhelos. Depp mohoi akuzat dhe nuk u akuzua për asnjë krim.

Depp pranoi në dëshminë e tij se ai dhe Heard kishin debate gjatë marrëdhënies së tyre, por tha: “Unë vetë nuk kam arritur kurrë deri në pikën që të godas zonjën Heard në asnjë mënyrë dhe nuk kam goditur ndonjëherë ndonjë grua në jetën time”.

Ai gjithashtu përshkroi marrëdhënien e trazuar të prindërve të tij dhe abuzimin verbal dhe fizik që ai dhe vëllezërit e motrat e tij përjetuan nga nëna e tyre. Ai gjithashtu pretendoi se përvoja e tij e parë me marrjen e substancave të kontrolluara ndodhi kur ai ishte afërsisht 11 vjeç dhe do të merrte pilulat e nënës së tij “për t’i shpëtuar natyrës kaotike të asaj që po jetonim”.

Depp pretendon se shkrimi i Heard çoi në humbje financiare për të, duke përfshirë përjashtimin nga filmat e ardhshëm “Pirates of the Caribbean” pasi ai drejtoi ekskluzivitetin për 15 vjet.

“Një ditë je Hirushja si të thuash dhe më pas në pikën zero gjashtë sekonda je Kuazimodo”, tha Depp për mënyrën se si u kthye karriera e tij pasi u akuzua për abuzim. Unë nuk e meritova këtë dhe as fëmijët e mi, as njerëzit që kishin besuar tek mua gjatë gjithë këtyre viteve.

Depp pranoi në dëshminë e tij se nuk e ka parë filmin e parë në ekskluzivitetin “Pirates”. Megjithatë, ai tha: “Unë besoja në atw personazh me gjithë zemër”.

“Ajo ishte shumë e mirë për të qenë e vërtetë”

Depp dhe Amber u takuan në xhirimet e “The Rum Diary” në vitin 2009, u martuan në 2015 dhe vazhduan të përfshiheshin në një ndarje të diskutueshme për muaj të tërë, me akuza për sjellje të keqe të ngritura nga të dyja palët.

Në dëshminë e tij, Depp foli për fillimin e marrëdhënies së tij me Heardin, duke thënë se “nga ajo që kujtoj, ajo që mbaj mend, ajo ishte shumë e mirë për të qenë e vërtetë”.

“Ishte e vëmendshme, e dashur, e zgjuar, e sjellshme, qesharake, e kuptueshme. Kishim shumë gjëra të përbashkëta”, tha ai.

Depp tha se Heard ishte “e mrekullueshme” për ca kohë midis një viti e një viti e gjysmë. Ai gjithashtu përshkroi afrimin me familjen e Heard.

“Pastaj gjërat sapo filluan të ndryshonin, ose gjërat filluan të zbuloheshin vetë, është një mënyrë më e mirë për ta thënë.”

Çifti pwrfundoi divorcin e tyre në gusht 2016, duke lëshuar një deklaratë të përbashkët ku thuhej pjesërisht, “Marrëdhënia jonë ishte shumë pasionante dhe nganjëherë e paqëndrueshme, por gjithmonë e lidhur nga dashuria”.

Heard kishte qenë e pasuksesshëm në përpjekjet e saj për të rrëzuar padinë. Ajo ngriti një kundërpadi 100 milionë dollarësh për shpifje kundër Depp në vitin 2020, e cila është në vazhdim.

Një rast i mëparshëm

Në fund të vitit të kaluar, Depp humbi një çështje në Mbretërinë e Bashkuar kundër News Group Newspapers dhe Dan Wootton, redaktor ekzekutiv i The Sun, për një artikull që pretendonte se Depp ishte i dhunshëm ndaj Heard ndërsa ata ishin së bashku. Gjykata e Lartë e Mbretërisë së Bashkuar vendosi në favor të botuesit.

Avokatët e grupit të gazetave argumentuan në dosjet gjyqësore se Depp “rrahu gruan e tij Amber Heard, duke i shkaktuar lëndime të konsiderueshme dhe me raste duke e çuar në frikën e saj për jetën”, duke përmendur prova, duke përfshirë foto, regjistrime audio dhe mesazhe me tekst të vetë Depp.

Gjatë gjyqit, Depp tha se pretendimet e tabloidit se ai ishte i dhunshëm ndaj Heard ishin “plotësisht të pavërteta”.

Gjykatësi Andrew Nicol tha në gjykimin e tij se pretendimet e gazetës ishin treguar të jenë “në thelb të vërteta”.

Heard postoi një shënim përpara gjyqit aktual për shpifje në llogaritë e saj të verifikuara në mediat sociale, duke shkruar “Unë kurrë nuk e kam përmendur [Depp], përkundrazi kam shkruar për çmimin që gratë paguajnë për të folur kundër burrave në pushtet. Unë vazhdoj ta paguaj atë çmim, por Shpresoj se kur të përfundojë ky rast, unë mund të vazhdoj përpara dhe po ashtu edhe Johnny.”

“Kam ruajtur gjithmonë një dashuri për Johnny-n dhe më sjell dhimbje të madhe që më duhet të jetoj detajet e jetës sonë të kaluar së bashku përpara botës”, shkroi ajo. “Në këtë kohë, e njoh mbështetjen e vazhdueshme që kam pasur fatin të marr gjatë këtyre viteve dhe në këto javë në vijim do të mbështetem në të më shumë se kurrë.”