Pas 19 vitesh përfundon zyrtarisht epoka e Abramovich te Chelsea. Londinezët në fakt kanë njoftuar nënshkrimin e një marrëveshjeje përfundimtare për shitjen e klubit te konsorciumi amerikan i drejtuar nga fondi Clearlake Capital i manjatit Todd Boehly, që do të mbyllet të hënën. Kosto totale e marrëveshjes është 4.25 miliardë paund, pak më pak se 5 miliardë euro.
Pas disa pengesave fillestare të lidhura me borxhet që shoqëria kishte ndaj Roman Abramovich dhe pasi u morën të gjitha autorizimet e nevojshme, nga qeveria angleze dhe Premier League, blerja më e madhe në historinë e futbollit mund të thuhet se ka përfunduar.
2.5 miliardë paund të paguar për blerjen e aksioneve ndaj ish-pronarit Abramovich, i cili u sanksionua për marrëdhënien e tij me Vladimir Putin, do të shkojnë, siç ishte planifikuar, në një llogari të ngrirë në Mbretërinë e Bashkuar, vetëm për t’u dhënë për bamirësi në mbështetje të popullsisë ukrainase. 1.75 miliardë e mbetur, ndërkohë, do të investohen për rritjen e klubit.
KOMUNIKATA E KLUBIT
“Klubi i futbollit Chelsea mund të konfirmojë se dje në mbrëmje (e premte) është lidhur një marrëveshje përfundimtare për shitjen e klubit te konsorciumi i Todd Boehly/Clearlake Capital. Transaksioni pritet të përfundojë të hënën. Klubi do të japë përditësime të mëtejshme”.