Një minator është lënduar gjatë kohës që po punonte në Bulqizë. Policia bën me dije se B. T., 51 vjeç është aksidentuar duke punuar dhe për pasojë ka marrë lëndime në këmbë.
Pasi ka marrë ndihmën e parë në spitalin e Bulqizës, 51-vjeçari është dërguar për mjekim më të specializuar në Tiranë.
“Rreth orës 12.00, është dërguar për ndihmë mjekësore në spitalin e Bulqizë, shtetasi B. T., 51 vjeç, i cili gjatë punës në një minierë kromi në qytetin e Bulqizës, është aksidentuar duke u lënduar në këmbë.
Shtetasi B. T., pas ndihmës së marrë në spitalin e Bulqizës, është dërguar për ndihmë më të specializuar mjekësore drejt Tiranës dhe ndodhet jashtë rrezikut për jetën.
Grupi hetimor po kryen hetimet në vendngjarje dhe po punohet për zbardhjen dhe shkaqet e kësaj ngjarjeje”, njofton policia.