• |
ide | kryesore

Lukaku kthehet te Inter, lëvizja e Chelsea e konfirmon: Blues gati të marrin Sterling

-Instant, Sport

Chelsea do të lejojë transferimin e Lukakut te Inter. Sipas shtypit anglez, Blues në fakt kanë identifikuar tashmë Raheem Sterling, i cili ka një kontratë që skadon në 2023 me Manchester City dhe që ende nuk e ka rinovuar, si zëvendësuesi i Big Rom. Kjo nuk do të thotë se negociatat me Interin për rikthimin e belgut në Milano janë të mbyllura, por konfirmon se palët e konsiderojnë të pashmangshëm epilogun e ëndërruar, të dëshiruar – dhe në fund të arritur – nga vetë Lukaku. Nëse nuk ndodh sot – siç raporton Mirror – më së shumti nesër duhet të mbahet konferenca mes drejtuesve të Chelsea dhe atyre të Interit e shtyrë ditët e fundit për shkak të angazhimeve të Todd Boehly, pronarit të ri të londinezëve, i cili fluturoi në Los Anxhelos për çështje jashtë futbollit.


Megjithatë, është çështje orësh sepse nëse Interi nxiton ta mbyllë për të përfituar nga Dekreti i Rritjes dhe për tu fokusuar në negociata të tjera – para së gjithash përcaktimi i kontratës së Dybala – madje edhe vetë Blues duan ta zgjidhin çështjen dhe më pas të mendojnë në lidhje me merkaton e tyre në hyrje, me Sterling në shënjestër. Interi do ta ngrejë shifrën duke e çuar në 10 milionë ofertën për huazimin e rëndë, shifër kjo shumë afër kërkesave të londinezëve.


Në videokonferencë ka gjasa që të flitet edhe për lojtarë të tjerë, duke qenë se anglezët janë të interesuar për tre profile të zikaltërve. Mbi të gjitha Dumfries, fiksimi i Tuchel, të cilin Interi e vlerëson 60 milionë euro, por për të cilin do të dëgjohej një ofertë 40-45 pa harruar de Vrij dhe Skriniar, duke qenë se lamtumira e Rudiger ka krijuar një boshllëk në mbrojtjen e Chelseat. Gjithsesi, situata që nuk kanë lidhje me Lukakun: nëse vijnë propozimet angleze, do të dëgjohen, por për momentin prioriteti zikaltër është në hyrje për t’i dhuruar Lukakun Simone Inzaghit.


Lini një Përgjigje

Adresa juaj email s’do të bëhet publike.