Një aksident rrugor me pasojë vdekjen ka ndodhur ditën e sotme në një fshat të Lushnjes.
Ngjarja ka ndodhur rreth orës 14:40, në fshatin Zhym, ku një 67-vjeçar ka humbur drejtimin e motorit dhe për pasojë ka gjetur vdekjen.
“Sot rreth orës 14:40, në fshatin Zhym, shtetasi Th. Ç., 67 vjeç, banues në Krutje, duke drejtuar motomjetin tip “Lifan”, ka dalë nga rruga dhe për pasojë ka ndërruar jetë.” – bën me dije policia.
Grupi hetimor po punon për përcaktimin e shkaqeve të daljes nga rruga.