Një episod i shëmtuar në derbin e Merseyside është shënuar menjëherë pas golit të anuluar nga VAR për pozicion jashtë loje të Coady. Një shishe plastike me ujë është hedhur nga ballkoni i sipërm i tribunës kryesore drejt Jürgen Klopp. Një episod që ka shqetësuar klubin e Everton, që ka bërë të ditur se do të punojë ngushtë me policinë e Merseyside nëse ajo vendos ta çojë çështjen më tej.
❌ Conor Coady’s goal is RULED OUT for offside!! #EVELIV pic.twitter.com/p0bRqJDdal
— talkSPORT (@talkSPORT) September 3, 2022
Trajneri i Liverpool, në fund të derbit që përfundoi 0-0, u shpreh në lidhje me incidentin: “Nuk e pashë atë në atë moment, por e pashë tani, sepse është ende ‘në vendin e krimit’. Mendova se ishte një gotë xhami dhe do të ishte vërtet e rrezikshme. Nuk ishte. Ishte plastike”. Në fakt, autori i ngjarjes së shëmtuar është nxjerrë menjëherë nga stadiumi nga forcat e sigurisë.