• |
ide | kryesore

Iu kapet kanabis në banesë, dy vëllezër të arrestuar në Elbasan

-Instant, Arkiva, Lajme, Të fundit



Policia e Elbasanit në bashkëpunim me atë të Gramshit dhe Skraparit kanë sekuestruar 33.5 kg kanabis si dhe kanë arrestuar dy vëllezërit që dispononin sasinë e drogës. Sipas njoftimit të policisë, janë arrestuar shtetasit S. I., 36 vjeç dhe E. I., 33 vjeç (vëllezër), banues në fshatin Trebel, Skrapar, për veprën penale “Prodhimi dhe shitja e narkotikëve”, kryer në bashkëpunim.

Njoftimi/ DVP Elbasan

Sekuestrohen 33.5 kg lëndë narkotike kanabis dhe municion luftarak.

Finalizohet, pas një hetimi intensiv proaktiv, operacioni policor i koduar “Presentation”.

Mbanin në automjet dhe në banesë, sasinë prej 33.5 kg lëndë narkotike kanabis, kapen në flagrancë dhe vihen në pranga 2 shtetas (vëllezër).

Të arrestuarve iu sekuestruan edhe një pjesë arme zjarri, automjeti me të cilin transportonin lëndë narkotike dhe aparatet celulare.

Specialistët e Seksionit për Hetimin e Narkotikëve, Seksionit të Forcës Operacionale të DVP Elbasan, komisariateve të Policisë Gramsh dhe Skrapar, në bashkëpunim me specialistët e AMP-së, në vijim të operacioneve të pandërprera për goditjen e veprimtarive kriminale në fushën e narkotikëve, kanë finalizuar, pas një hetimi intensiv proaktiv, në bashkëpunim me Prokurorinë pranë Gjykatës së Rrethit Gjyqësor Elbasan, operacionin policor të koduar “Presentation”.

Si rezultat i këtij operacioni janë arrestuar në flagrancë shtetasit:

-S. I., 36 vjeç dhe E. I., 33 vjeç (vëllezër), banues në fshatin Trebel, Skrapar, për veprën penale “Prodhimi dhe shitja e narkotikëve”, kryer në bashkëpunim.

Gjatë kontrollit të ushtruar në automjetin me të cilin lëviznin këta 2 shtetas dhe në banesën e tyre, u gjetën dhe sekuestruan në total, rreth 33.5 kg lëndë narkotike kanabis. Gjithashtu, të arrestuarve iu gjetën dhe iu sekuestruan automjeti me të cilin transportonin lëndë narkotike, një pjesë arme zjarri, municion luftarak dhe aparatet celulare.

Në bashkëpunim me Prokurorinë pranë Gjykatës së Rrethit Gjyqësor Elbasan, vijon puna për identifikimin dhe kapjen e personave të tjerë të përfshirë në këtë veprimtari kriminale.

Materialet procedurale u referuan në Prokurorinë pranë Gjykatës së Rrethit Gjyqësor Elbasan, për veprime të mëtejshme.



1 Comment

  1. Perse duhet “iu” per ta shqiperur “Ju” … a mund tw jape dikush i gjuhesise nje pergjigje se, perse ndryshohen emrat apo mbiemrat me “j”-e nw mes me “i”-ne krejt pa lidhje/ si ne italiche…
    🤗
    Njoftimi nuk eshte lajm … asnje vlere… tjeter gje pas Tij/ gjendet diku lajmi qe nuk jepet as nga Ju te pavarurit…
    Mjerim vellezer pa fund…

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *