Një 35-vjeçar është vënë pranga nga policia e Kurbinit pasi ishte dënuar nga drejtësia italiane me 12 vite burg. Ai rezulton i dënuar për veprën penale “Trafikimi i lëndëve narkotike”, në formën e organizatës kriminale. Mësohet se në pranga ka rënë Valentin Lleshi.
Ndërkohë vijojnë procedurat për ekstradimin e 35-vjeçarit drejt Italisë. Materialet procedurale iu referuan Prokurorisë pranë Gjykatës së Rrethit Gjyqësor Kurbin.