Një 47-vjeçar është arrestuar në pikën kufitare të Morinës pasi ishte në kërkim për trafikim të lëndëve narkotike. Policia thotë se 47-vjeçari nga Tirana u ndalua pasi ndaj tij ishte caktuar masa e sigurisë “arrest në burg” për trafik droge në kuadër të operacionit të koduar “Korridori”.
Në kuadër të këtij operacioni, u godit tentativa për të trafikuar 32.7kg lëndë narkotike kanabis drejt Kosovës.