Ndeshjen e fundit me fanellën e Milan e luajti më 18 shtatorin e kaluar kundër Napolit. Pastaj erdhi dëmtimi me fanellën e Francës, me një ndalesë të pritshme jo më shumë se rreth një muaj. E megjithatë, tani janë bërë pesë muaj, e Maignan ende nuk është kthyer në portë. Për më tepër që data e kthimit vazhdon të shtyhet. Por çfarë ndodhi me Mike Maignan? Diçka duket se shkoi keq gjatë procesit të rikuperimit. E sipas Corriere della Sera, faji nuk është i stafit mjekësor të Milan e as i kombëtares franceze. Por i të ashtuquajturit magjistari i muskujve.
Sipas asaj që shkruan gazeta gjeneraliste ka një prapaskenë tjetër. Për të përshpejtuar rikuperimin e tij për Kupën e Botës në Katar, Maignan i besoi një fizioterapeuti francez. Një ekspert i supozuar, i njohur si ‘Magjistari i muskujve’, që ka kompromentuar procesin e rikuperimit. Portieri i Milan u ndal përsëri më 18 tetor, për shkak të një dëmtimi në shputën e të njëjtës pulpë.
Lexo më tej: Askush nuk beson te Tatarusanu, lajme të këqija për Milan nga Maignan: rikthimi në fushë në mesin e marsit
I tha lamtumirë Botërorit, por rikthimi dukej i sigurtë pas pushimit të kampionatit. Megjithatë, probleme të reja erdhën në Dubai. Jo një tjetër dëmtim, por një përgjigje e pamjaftueshme ndaj ngarkesave fizike. Ato ngadalësuan gjithçka dhe tani data e rikthimit të mundshëm po shtyhet sërish. Tashmë objektivi është 8 marsi, dita e ndeshjes së kthimit ndaj Tottenham. Por ndërkohë vazhdon ‘misteri Maignan’. A është vërtetë faji i atij që thirret ‘Magjistari i muskujve’?