Tom Sizemore po lufton për jetën pasi pësoi një aneurizëm në tru.
Aktori i “Saving Private Ryan”, është “i shtruar në kujdes intensiv”, tha menaxheri i tij, Charles Lago, për Page Six të dielën. “Ai është aktualisht në gjendje kritike .Familja e tij është në dijeni dhe pret për përditësime mjekësore.”
Sipas TMZ, i cili ishte i pari që raportoi lajmin, Sizemore ishte në shtëpinë e tij në Los Angeles kur pësoi një aneurizëm në tru rreth orës 2 të mëngjesit të së shtunës dhe ra pa ndjenja. Gazeta raporton se dikush gjeti aktorin dhe telefonoi 911. Edhe pse mjekët u përgjigjën shpejt, ai u dërgua në një spital lokal, ku u rendit në gjendje kritike.
Ai ka luftuar publikisht me abuuzimin me dr0gën dhe ka pasur disa përplasje me ligjin gjatë viteve. Aktori zbuloi në një intervistë të vitit 2017 me The Daily Mail se varësia e tij e bëri atë të arrinte fundin. Ai u shpreh se ishte “detyruar të rrinte për dy vjet” në një ndërtesë “pa energji elektrike apo ujë të rrjedhshëm”.
“Jeta ime është bërë shumë më e mirë, ka qenë një kronikë e vërtetë. Unë kam një histori të gjatë abuuzimi me substancat, isha në një vend vërtet të keq,” tha Tomnë atë kohë. “Nuk isha i pastrehë, por më duhej ta shisja shpejt shtëpinë time prej 7 milionë dollarësh. Kështu isha i shqetësuar, mund të kisha blerë diçka tjetër, si një apartament apo diçka tjetër, por doja një shtëpi përsëri.”/Lapsi.al