• |
ide | kryesore

“Spiunia” ruse kërkon azil në Shqipëri: Në vendin tim më rrezikohet jeta

-Instant, Arkiva, Lajme, Të fundit
azil

Pas 7 muajsh në paraburgim për çështje spiunazhi në Shqipëri, Svetlana Timofeeva kërkon ndihmë shqiptare për azil politik, me arsyetimin se nëse esktradohet në Rusi, atje do t’i rrezikohet jeta nga persekutimi. Përmes një letre të gjatë të firmosur nga avokati Isuf Shehu, 34-vjeçarja që konsiderohet si spiune nga prokuroria e Elbasanit, shpjegon se gjatë vitit 2018 ka dalë haptazi kundër Putinit dhe për këtë shkak drejtësia ruse e kërkon për akuzën e marrjes së paligjshme të informacionit.


“Federata Ruse ka paraqitur kërkesën për ekstradim për një vepër me karakter politik, pra kërkohem për qëllime politike”, shkruan më tej Timofeeva, në kërkesën për azil të dorëzuar drejtorisë së përgjithshme të zhvillimit për migracionin dhe azilin si dhe policisë së kufirit në Tiranë.


Duke kujtuar konventën evropiane, si argument tjetër të persekutimit, Timofeeva shton bindjet e ish-bashkëshortit, që e konsideron një përkrahës të Putinit. Bindjet politike, nënvizon 34-vjeçarja e arrestuar në Shqipëri, së bashku me Mikhail Zorin dhe Fedir Aplatov, ishin shkaku kryesor i divorcit.

Duke e barazuar misionin e medias me atë të blogerimit, e dyshuara si spiune në Shqipëri, kujton dënimin në 6 korrik 2020 të gazetares Svetlana Prokopyevën, e cila mbas një transmetimi ku kritikoi në radio klimën represive në Rusi, u dënua nga një gjykatë ushtarake. Timofeeva parashikon se edhe ajo do t’i nënshtrohet trajtimit çnjerëzor dhe torturues, në rast se ekstradohet.

Timofeva, Zorin dhe Alatov po përballen me gjykatat shqiptare për dyshimet e spiunazhit. Ata u kapën në flagrancë në uzinën ushtarake të Çekinit në Gramsh duke fotografuar. Ndërsa në sendet personale të tyre u gjetën mjaft matëriale të tjera të disa pikave të rëndësishme që njihen si infrastrukturë kritike. /Marrë nga TCH

LEXO EDHE: ‘E mbyllur në kafaz’: Letrat nga qelia të blogeres ruse të akuzuar për spiunazh



7 Comments

  1. Kjo treshe spiunesh, 2 ukrainas dhe nje ruse, sigurisht qe nuk erdhi e nuk filmoi per pasion baza ushtarake dhe ish uzina armesh.

    Zbutja e akuzes fillestare dhe kembengulja e saj per te mos u kthyer ne Rusi hedhin dyshime se jo per Putinin, por ndoshta per dike tjeter erdhen me mision ne Shqiperi, gjoja si turistë e blogere…

    Cilido qofte rasti, vepra e tyre eshte penale dhe cenim i sigurise kombetare te Shqiperise.

    1. Prandaj jemi te cipetuar ne 7 Shtete dhe gjate historise vetem luftra kemi pare se na duan shume. Ti e keendjen te rrocka ne goje

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *