Steven Gerrard, ish-legjenda e Liverpool, doli në fushë në një ndeshje bamirësie me kampionët e dikurshëm të Reds. Një ndeshje bamirësie, që u mbajt në Anfield midis Legjendave të Liverpool dhe atyre të Celtic. Kampionë të mëdhenj të së kaluarës zbritën në fushë, përfshirë Steven Gerrard. Ish-kapiteni i Liverpool ka gjetur përballë tifozët e Celtic, të cilët i kishte rivalë në aventurën e tij si trajner i Glasgow Rangers. E në momentin e golit, ish-mesfushori festoi i ekzagjeruar përpara tyre. Tifozët e Celtic nuk e morën mirë festimin e tij dhe iu përgjigjën në mënyrën e tyre.
E pikërisht për këtë rivalitet të jetuar, që u ndje edhe gjatë ndeshjes, Gerrard vendosi të merrte skenën. Me rastin e një penalltie, ish-mesfushori anglez, pasi dërgoi topin në rrjetë, u lëshua në një festim nën sektorin e ultrasve bardhejeshil.
Lexo më tej: Video/ Shikoni festën e çmendur të Gerrard: Rangers fitoi pas 9 vjetësh në Celtic Park
Publiku skocez nuk e pëlqeu aspak ngazëllimin e Gerrard dhe reagoi menjëherë. Si kundërpërgjigje ndaj golit, tifozët filluan të hedhin shishe dhe ofendime të shumta ndaj ish-lojtarit të Liverpool. Më pas, stjuardët ndërhynë për të qetësuar gjërat.
GERRARD SCORES AND GIVES IT TO THE CELTIC FANS!😂 pic.twitter.com/7NPY6FvlVr
— The Redmen TV (@TheRedmenTV) March 25, 2023