Bayern Munich i ka vendosur Sadio Mané një gjobë rekord, si dhe e përjashtoi atë nga ndeshja e Bundesligës kundër Hoffenheim. Klubi bavarez nuk do të ndalet vetëm me kaq, sepse do të bëjë gjithçka për ta shitur senegalezin në verë. Të gjitha këto masa u morën, pasi Mané goditi me grusht shokun e skuadrës Leroy Sané. Dy lojtarët u konfliktuan javën e kaluar në dhomat e zhveshjes pas humbjes 3-0 nga Manchester City në ndeshjen e parë çerekfinale të Champions League. Sipas raportimeve të Sky Sports Germany, gjoba e vendosur ndaj sulmuesit senegalez i kalon 300 mijë euro.
Tuchel njoftoi se Mané do të jetë sërish në dispozicion për të mërkurën, kur Bayern të tentojë rikthimin e bujshëm kundër skuadrës së Guardiolës. Por aktivizimi i tij nga 1′ duket se është i përjashtuar. Aventura e tij në Bavari rrezikon të zgjasë vetëm një sezon (të trazuar), duke qenë se Bayern do të bëjë gjithçka për ta shitur verën e ardhshme.
Lexo më tej: Grushta në zhveshtore, Mané gjakos Sané me një të djathtë: dhomat e zhveshjes së Bayern u kthyen në ring
Sherri me Sané, në fakt ka lënë një frakturë të pashërueshme brenda dhomave të zhveshjes. Por pas lamtumirës së mundshme qëndron edhe një motiv taktik, duke qenë se Mané nuk do të përshtatej me sistemin e lojës së Tuchel.
We asked, you voted 🫵@BenPavard28's brilliant finish against Augsburg is our Goal of the Month for March 🙌💥
🗞️ https://t.co/RQXmjBNfXz#MiaSanMia pic.twitter.com/rcQ8Deg0xq
— FC Bayern Munich (@FCBayernEN) April 17, 2023