Rezultatet e maturantëve në provimin Gjuhë Shqipe dhe Letërsi janë publikuar këtë të diel. Këtë vit studentët me rezultate të larta janë më shumë se vitin e kaluar. Kalueshmëria është 98.38% dhe me notën 10 janë vlerësuar rreth 5.73% e maturantëve.
Konkretisht, janë 1591 nxënës që janë vlerësuar me notën 10 e nga këta, vetëm 15 kanë arritur të marrin 10 absolute. Nga ana tjetër, janë 1602 maturantë mbetës, të vlerësuar me notën 4. Maturantët kanë edhe një test për të zhvilluar. Këtë të hënë në 19 qershor, ata do të testohen në lëndën me zgjedhje.