Julian Deda ka folur së fundmi për të ardhmen e “Apartamenti 2XL” Pas largimit të tij nga “Klanifornia” u përfol se Julian do të risillte shfaqjen e humorit së bashku me aktorët e tjerë që kanë qenë pjesë e saj. Mirëpo përmes rrjetit të tij social, Instagram, aktori ka zbuluar se nuk është e lehtë për t’u realizuar pasi kërkon buxhet dhe organizim.
“Apartamenti 2xL, dy fjale sa për tu sqaruar. Si filllim ju falenderoj nga zemra, qe e doni kaq shumë. “Pse nuk ktheni Apartamentin?, “Apartamenti 2xL ishte fantastik”, “Kthejeni 2xL se na ka marre malli”, këto janë komentet tuaja të shumta gjatë gjithë këtyre viteve dhe sidomos këto ditët e fundit. Ndjehem mire kur i lexoj, sepse edhe unë mendoj si ju.
Ajo qe duhet të dini, është se realizimi i ketij spektakli nuk është 100% në dorën time, se po të ishte për mua, do lija çdo lloj pune për tu marrë me Apartamentin 2xL, aq e dua si format. Si aktor, jam ndjerë aq mirë në atë spektakël, sa jam gati të bashkëpunoj me çdo televizion qe ka mundësinë dhe dëshirën për ta realizuar.
Megjithatë, kjo nuk do të thotë se nuk mund të bëhet, nuk do të thotë se nuk është një opsion për sezonin e ri televiziv. Një gjë është e sigurt, Apartamenti 2xL nuk është i lehtë për tu realizuar, kërkon buxhet dhe organizim të mirëmenduar dhe këtë mund ta bëjë vetëm një televizion me këllqe.
Prandaj të dashur miq, mos mendoni se nuk duam ta risjellim, duam vetëm, qe kur të rishfaqet të jetë në lartësinë e duhur, ashtu siç ju e dëshironi Apartamentin 2xL. Ju përqafoj…!”, shkroi Deda.