Rektori i Universitetit të Mjekësisë, njëkohësisht shefi i kirurgjisë, Arben Gjata është paraqitur sot në SPAK, si një nga personat e akuzuar për çështjen e koncesionit të sterilizimit.
GJKKO për Gjatën ka caktuar masën ‘detyrim paraqitje’. Në kohën kur u lidh koncesioni, më dhjetor të vitit 2015, Gjata ka pasur detyrën e anëtarit të komisionit të koncesionit të sterilizimit.
Në SPAK është paraqitur edhe Genc Byrazeri, tjetër anëtar i komisionit të koncesionit të sterilizimit. Me urdhër të SPAK për koncesionin e sterilizimit me vlerë 100 milion euro janë arrestuar ish-zv.ministri i Shëndetësisë Klodjan Rjepaj dhe biznesmeni Ilir Rrapaj, pronari i kompanisë Investital LLC. Me kërkesë të prokurorit Edvin Kondili, Gjyqtari i GJKKO, Erion Bani, caktoi masa sigurie edhe ndaj 6 personave të tjerë, zyrtarë të ministrisë së Shëndetësisë.