Një shqiptar ka qenë nga të parët që shkoi në vendin e aksidentit tragjik që ndodhi mbrëmjen e së martës në Mestre të Venecias në Itali ku humbën jetën 21 persona. Bujar Bucaj, pronar i një restoranti aty pranë tha se pa të gjithë skenën nga xhamat e lokalit dhe se menjëherë pas rrëzimit të autobusit ka vrapuar për në vendin e ngjarjes. Ai u tha mediave italiane se kishte arritur të nxirrte 2 persona nga autobusi dhe se nëse do të kishte pasur ndihmë, edhe pasagjerë të tjerë ndoshta nuk do të kishin humbur jetën.
Ai thotë se i shtyrë nga instikti kaloi barrierat e rrugës dhe u gjend në vendin e tragjedisë. Sipas tij në fillim aty nuk kishte flakë. Vetëm pas 12 minutash ka ardhur një patrullë policie dhe më pas mbërritën zjarrfikësit. Ai thotë se u përpoq të bënte gjithçka që mundi për të ndihmuar sa më shumë persona të përfshirë në aksident, por nuk pati mbështetje nga persona të tjerë që vetëm shihnin dhe bënin foto ose telefononin urgjencën duke pritur ardhjen e tyre.
Ai thotë se pas nisjes së zjarrit ka tentuar të shuajë flakët me një bombël që e mori nga një makinë aty pranë. “Zbrita poshtë dhe kur shkova aty doli një djalë dhe një burrë. Aty dëgjova të qara dhe ulërima brenda autobusit dhe u afrova. Kam arritur t’u jap një dorë dy fëmijëve të vegjël. Vajza ishte rreth 3 vjeç, vëllai i saj duhet të jetë rreth 10 vjeç.
I kam zhvendosur nga ai pozicion atje. Prej andej kërkova ndihmë nga personat që ishin aty mbrapa me makina, por nuk erdhën të më jepnin dorën. I vetmi që erdhi drejt meje ishte një zotëri që më hodhi një zjarrfikëse nga një mbikalim. E mora dhe u përpoqa të shuaja zjarrin” – thotë shqiptari. Tashmë të dy vegjlit e shpëtuar nga Bucaj janë shtruar në spital.
“Nëse dikush tjetër do të kishte ardhur për të më dhënë një dorë, ndoshta do të ishte shmangur. Shumë të tjerë do të ishin shpëtuar. Nëse je vetëm, në panik, nuk di çfarë të bësh. 12 minuta pasi ndodhi aksidenti mbërriti makina e parë e policisë, më pas erdhi e dyta, më në fund mbërritën zjarrfikësit dhe ambulancat e ndryshme” – shton ai. /LAPSI.al
Shqiptari si perhere hero dhe katallan. Ik mer rrot kari
Nuk është zi siç mund të thuhet nga personi por shumë ngjarje në Itali kanë ofruar të kundërtën që italianë kanë vdekur për të shpëtuar të tjerë.
Te njejten histori, e tregojne ne lajme per dy zezake qe gjendeshin poshte ures rastesisht. Madje ata i japin ne interviste me fytytre neper televizione. Edhe ata thone qe provuan te shuanin zjarrin me nje estintor po nuk mjaftoi se ishte i vogel.