Një aksident i trefishtë ka ndodhur mesditën e sotme në aksin rrugor Elbasan-Cërrik me pasojë dy të lënduar.
Aksidenti ka ndodhur në lagjen “Shënkoll”, ku janë përfshirë 3 automjete, me drejtuesit Q. B., 60 vjeç, M. Q., 28 vjeç dhe J. S., 34 vjeç.
Si pasojë e aksidentit janë lënduar M. Q. dhe J. S., të cilët ndodhen në spital, jashtë rrezikut për jetën.
Drejtuesi Q. B. është shoqëruar në ambientet e Policisë, për kryerjen e veprimeve procedurale.
Shërbimet e Sektorit të Qarkullimit Rrugor dhe grupi hetimor vijojnë punën, për sqarimin e rrethanave të aksidentit.