Në Rusi, është falur personi që u shpall fajtor për vrasjen e gazetares Anna Politkovskaya në vitin 2006. Serghei Khadzhikurbanov, i dënuar me 20 vjet burg, u lirua falë faktit se ai u regjistrua dhe luftoi në Ukrainë. Khadzhikurbanov, një ish-oficer i departamentit kundër krimit, kaloi 6 muaj në front. Khadzhikurbanov, i cili është gjithashtu një ish-hetues, u ftua, si luftëtar i forcave speciale, “të nënshkruajë një kontratë për të marrë pjesë në operacionin ushtarak special” – tha avokati i tij.
“Kur kontrata mbaroi, ai u fal me dekret presidencial”, – shtoi avokati Alexei Mikhalchik. Normalisht ai duhej të përfundonte vuajtjen e dënimit në vitin 2034. “Unë mendoj se në një farë mënyre drejtësia është vendosur sepse besoj se Khadzhikurbanov nuk ishte i përfshirë në vrasjen e Anna Politkovskaya,” tha avokati.
“Khadzhikurbanov mori pjesë në operacionin special si i burgosur dhe më pas u fal. Tani merr pjesë atje si ushtarak civil, pasi ka nënshkruar një kontratë me Ministrinë e Mbrojtjes. Ai ka punuar në forcat speciale në vitet ’90 dhe ka përvojë dhe ndoshta kjo është arsyeja pse i është ofruar menjëherë një post komandues”, – tha avokati i tij.
Anna Politkovskaya, një reportere e “Novaya Gazeta”, u vra më 7 tetor 2006. Gazetarja anti-Putin u qëllua 5 herë para ashensorit të ndërtesës ku jetonte në Moskë. Me raportimet e saj të shumta ajo kishte kritikuar qeverinë e Putinit dhe mbi të gjitha ndërhyrjen ushtarake në Çeçeni.
Vladimir Putin nuk e ka fshehur kurrë faktin se e konsideronte atë armike. Në tetor 2002, gazetarja mori pjesë në negociatat me terroristët çeçenë që kishin marrë peng njerëz në teatrin Dubrovka në Moskë gjatë një shfaqjeje. Në pranverën e vitit 2004, kur nxënësit e Beslanit u morën peng, ajo u thirr për të ndërmjetësuar, por u helmua në avion. Nxitësi i vrasjes së saj ende nuk dihet zyrtarisht. ©LAPSI.al
edhe sorrrros bythqiri te falet nese shkon e lufton per mbrojten e palestines