Lufta në Gaza, 53 gazetarë të vrarë deri më tani

Komiteti për Mbrojtjen e Gazetarëve deklaroi sot se pesëdhjetë e tre gazetarë dhe punonjës të medias janë vrarë që nga fillimi i luftës midis Izraelit dhe Hamasit që nga 7 tetori. 46 ishin palestinezë, 4 ishin izraelitë dhe 3 libanezë, sipas mbikëqyrësit të medias me bazë në Nju Jork, i cili regjistron viktima në Izrael, Rripin e Gazës dhe kufirin libanez.

Përditësimi i llogarisë është bërë pas vdekjes së dy gazetarëve të rrjetit televiziv libanez Al Mayadeen, të cilët humbën jetën për shkak të bombardimeve izraelite në Libanin jugor, pranë kufirit me Izraelin, sipas autoriteteve libaneze. Përveç kësaj, sipas Komitetit për Mbrojtjen e Gazetarëve, theksoi se 11 gazetarë janë lënduar dhe tre janë të zhdukur që nga fillimi i luftës.

“Gazetarët në Gaza janë të ekspozuar ndaj rreziqeve veçanërisht të larta duke u përpjekur të mbulojnë ofensivën izraelite, sulmet ajrore shkatërruese, komunikimet e dëmtuara, mungesat e furnizimit dhe ndërprerjet masive të furnizimit,” komenton Komiteti për Mbrojtjen e Gazetarëve në faqen e tij të internetit.