Momente frike të madhe gjatë Bournemouth-Luton, që të kujtojnë rastin Dwamena, kapitenit të Egnatias që humbi jetën në Rrogozhinë. Kapiteni i Luton, Tom Lockyer, u rrëzua në fushë në minutën e 59′. Mbrojtësi pati nevojë për ndihmë të menjëhershme mjekësore, që ishte vendimtare në shpëtimin e jetës. Për të lehtësuar ndërhyrjen e stafit mjekësor, arbitri pezulloi ndeshjen dhe i ktheu skuadrat në dhomat e zhveshjes. Lockyer kishte pësuar tashmë një sëmundje të ngjashme në muajin maj, gjatë finales së playoff-it të Championship. I vetëdijshëm, kapiteni i Luton u dërgua në spital, por ndeshja u ndërpre përfundimisht.
Menjëherë më pas mbërriti një deklaratë zyrtare nga Luton, e cila konfirmonte se bëhej fjalë për një arrest kardiak: “Stafi ynë mjekësor konfirmoi se kapiteni i Hatters pësoi një atak kardiak në fushë. Lajmi i mirë është se u përgjigj menjëherë kur u mor me barelë. Ai mori trajtim të mëtejshëm brenda stadiumit, për të cilin falenderojmë edhe një herë ekipet mjekësore të të dyja skuadrave. Tom më pas u transferua në spital dhe ne mund t’i qetësojmë tifozët për gjendjen e tij. Aktualisht është stabël dhe po i nënshtrohet analizave të mëtejshme, me familjen pranë tij. Falenderojmë të gjithë për mbështetjen, shqetësimin dhe mesazhet e ngrohta që kemi marrë”.
Not sure what happened with Tom Lockyer but this looked pretty scary pic.twitter.com/bYjRALETNx
— Noah Robson (@noahrobson_) May 27, 2023