50 Cent është paditur nga një fanse e cila pretendon se reperi hodhi një mikrofon nga skena dhe e goditi në fytyrë.
Bryhana Monegain pretendon në dokumentet e reja të gjykatës, të siguruara nga Page Six, se kur interpretuesi i “In Da Club” kuptoi se mikrofoni i tij nuk po funksiononte siç duhet gjatë koncertit të tij të 30 gushtit 2023, ai e hodhi atë në turmë dhe e goditi atë në fytyrë dhe në kyçin e dorës. Prezantuesja e Power 106 pretendon në padinë e saj se ajo ka pësuar “lëndime të rënda dhe të përhershme”.
Monegain u transportua në spital nga Crypto.com Arena e Los Anxhelosit, ku u trajtua për një tronditje, çarje në ballë dhe dhimbje në kyçin e dorës së majtë, thuhet në dokumente. Ajo po kërkon rimbursim për humbjet e pagave të kaluara dhe të ardhshme, shpenzimet spitalore dhe mjekësore, dëmet e përgjithshme, tarifat e avokatëve dhe kostot e padisë deri më tani.
Pamjet e momentit të dhunshëm treguan se 50 mori mikrofonin dhe e lëshoi atë në turmë. Edhe pse video nuk tregoi se ku ra pajisja, Monegain më vonë tha se e goditi duke shkaktuar një lëndim të tmerrshëm.
Fotot e marra nga TMZ treguan Monegain të mbështjellë me garzë për të mbuluar qepjet e saj në ballë. Prezantuesja depozitoi gjithashtu një raport në polici, në të cilin aktori i “Power”, 48 vjeç, u emërua si i dyshuar.
Avokati i artistit më vonë tha se ai nuk e “goditi qëllimisht” Monegain.
“Le të jemi shumë të qartë, siç i thashë LAPD-së këtë pasdite, klienti im Curtis nuk do të godiste kurrë askënd me mikrofon”, tha avokati, Scott Leemon, për Page Six. “Kushdo që thotë diçka ndryshe nuk i ka të gjitha faktet dhe është i keqinformuar.”/Lapsi.al