Neymar ka qenë jashtë për shkak të dëmtimit për një kohë të gjatë dhe do të duhet të kalojnë disa muaj para se sulmuesi të kthehet në fushat e lojës. Pavarësisht kësaj, emri i tij është shpesh në faqet e tabloideve dhe portaleve dhe jo për çështje që lidhen rreptësisht me futbollin.
Nga festa e lundrimit disa javë më parë e cila përfundoi në tragjedi, te peripecitë e vazhdueshme sentimentale, përfshirë divorcin nga ish-gruaja e tij tashmë Bruna Biancardi, braziliani vazhdon të jetë në qendër të skandaleve.
E sipas mediave braziliane, tashmë një grua ka ngritur një padi kundër O’Ney. Ajo pretendon se ish-futbollisti i Barcelonës dhe PSG-së është babai i vajzës së saj 10-vjeçare.
NEYMAR KA NJË VAJZË TJETËR 10 VJEÇARE?
Gabriella Gapar, hungareze. Ky është emri dhe kombësia e gruas që u takua dhe pati një flirt me Neymar në vitin 2013. Ajo pretendon se lidhja e shkurtër ka sjellë në jetë një vajzë të vogël që tani është 10 vjeç. Avokati i gruas ka folur për padinë e ngritur nga klientja e tij, e cila kërkon që braziliani t’i nënshtrohet testit të ADN-së për të vërtetuar atësinë. Natyrisht ka edhe një kërkesë ekonomike për shpenzimet e bëra në këto vite dhe për të garantuar një të ardhme për fëmijën.
Avokati i gruas pretendon se të dy janë takuar gjatë një grumbullimi të kombëtares braziliane në Bolivi. Të dy kanë pasur marrëdhënie seksuale. Gruaja me sa duket mbeti shtatzënë dhe më pas kontaktoi lojtarin dhe prindërit e tij disa herë, por nuk mori asnjë përgjigje. Në një nga letrat e shumta ajo i kishte dërguar edhe një foto të vogëlushes.
Lexo më tej: Tragjedi në festën në anije të Neymar: sherr me të fejuarën, influencuesi u hodh në det dhe u zhduk
Tani fjala i kalon Gjykatës, që do të vendosë nëse do të pranojë provat e paraqitura nga Gapar dhe për pasojë do të detyrojë Neymar t’i nënshtrohet testit të ADN-së për të verifikuar atësinë e mundshme. Gruaja kërkon që babai i dyshuar të kujdeset për shpenzimet e bëra në këto dhjetë vite, si ushqimin dhe studimet. Për momentin, lojtari i Al Hilal nuk ka komentuar për këtë çështje.