Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.
Tërmeti me magnitudë 3.9 është regjistruar rreth orës 9:22 afër Sarajevës.
Thellësia e tërmetit ka qenë gjashtë kilometra. Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda. Deri më tani nuk është raportuar për ndonjë dëm material./ REL