Pronari i Paris Saint Germain Nasser Al-Khelaifi ka qenë gjithmonë një nga kundërshtarët më të zjarrtë të projektit të Super League të orkestruar nga Real Madrid, Barcelona dhe Juventus. Sipas asaj që u zbulua nga L’Equipe, megjithatë, 6 muaj përpara nisjes së kompeticionit fantazëm, sipërmarrësi katariot po planifikonte lindjen e një lige të re, i ndihmuar nga ish-numri 1 i Juventus, Andrea Agnelli dhe me mbështetjen e UEFA-s.
Projekti madje kishte një emër të koduar që të sjell ndërmend filmat klasikë të spiunazhit: “Bohr”, sipas Niels Bohr, fizikanit danez që punoi për bombën atomike.
“PLANI BOHR” I AL-KHELAIFI E AGNELLI
Financial Times, janarin e kaluar, e përmendi këtë projekt për herë të parë. Tani L’Equipe, pasi pati akses në një dokument konfidencial prej rreth tridhjetë faqesh në të cilin janë paraqitur rreshtat dhe plani industrial, zbuloi të gjitha detajet: “Duke marrë parasysh nivelin e zhvillimit të këtij versioni, duket qartë se kjo punë përgatitore nuk ka përfunduar brenda pak ditësh”, shkruan gazeta franceze. “Sipas informacioneve tona, Al-Khelaïfi dhe ekipet e tij janë kujdesur për pjesën financiare, Agnelli për qeverisjen”.
Lexo më tej: Super League kërcënon UEFA-n për bllokimin e projektit: gati padia për mbi 3 miliardë euro
Pastaj L’Equipe ngre pyetjen: “Nëse sot PSG paraqitet, së bashku me Bayern Munich, si kreu i opozitës së Super League së bashku me UEFA-n, për çfarë arsye u përpoq të fillonte një projekt ekuivalent?”, ndoshta duke nënkuptuar një lidhje me faktin se Al-Khelaifi tani është president i ECA-s. “Sipas disa burimeve ai hoqi dorë nga të qenit pjesë e saj sepse i konsideronte shumat e premtuara të pamjaftueshme. A po shpresonte ai për një fitim më të mirë me projektin e tij? A ka negociuar ai hyrjen në UEFA siç mendojnë disa? Një gjë është e sigurt: drejtuesit parisien nuk kanë qenë gjithmonë një kundërshtar i ashpër i Super League…”.