Kylian Mbappé i kishte premtuar PSG-së se do të rinovonte kontratën. Lajmin e mbështet Footmercato, duke zbuluar disa prapaskena nga sfondi i negociatave mes lojtarit dhe presidentit të klubit. Sipas raportimeve, sulmuesi francez i kishte dhënë fjalën Nasser al-Khelaifi dy herë, duke konfirmuar dëshirën e tij për të zgjatur aventurën e tij në Paris. Një qëndrim i cili, pas prapaktheut në drejtim të Real Madrid, e tërboi numrin një të PSG-së.
Në detaje, gjithçka ka ndodhur në dy data të sakta. Premtimi i parë i Kylian për Nasser al-Khelaifi kishte ardhur një ditë para ndeshjes kundër FC Lorient më 12 gusht 2023. Me atë rast Mbappé e kishte siguruar presidentin për qëllimet e tij për të qëndruar te PSG. E më pas, sulmuesi kishte bërë të njëjtën gjë pas fitores së Superkupës ndaj Toulouse më 3 janar 2024, duke konfirmuar publikisht ekzistencën e një marrëveshjeje me pronarin katariot.
Lexo më tej: “E kam vendosur”. Mbappé i komunikoi lamtumirën drejtuesve të PSG: në Paris me parametër zero
Një marrëveshje që me sa duket nuk ishte e mjaftueshme për të mbajtur kampionin francez. Me kalimin e muajve, në fakt, Mbappé më pas ndryshoi mendje, duke zhvilluar bindjen se donte të transferohej te Real Madrid dhe se duhej të konfrontohej përsëri me Nasser al-Khelaifi për t’i komunikuar zyrtarisht qëllimet e tij për të mos rinovuar. Një ballë për ballë shumë e tensionuar, sipas Footmercato, gjatë së cilës sulmuesi gjithashtu i kërkoi presidentit të mos bënte oferta të reja në përpjekje për ta bërë atë të rikthehej në mendimin për të qendruar nën Kullën Eiffel.
🚨EXCL: 🔴🔵🇫🇷 #Ligue1 |
🆕️ L'été dernier, la veille du match PSG – Lorient, Kylian Mbappé avait promis à Nasser Al-Khelaïfi de prolonger son contrat, ce qui lui a valu sa réintégration dans le groupe.
🗣️ La promesse non tenue de l'attaquant parisien a été très mal vécue par… pic.twitter.com/4TEQMDLBAI
— Santi Aouna (@Santi_J_FM) April 20, 2024