Pas ndeshjes së tij të fundit në krye të Liverpool, Jurgen Klopp mbajti një fjalim emocionues në dhomat e zhveshjes përpara se të niste korin me emrin e teknikut të ardhshëm të Reds Arne Slot. Klopp e përfundoi mbretërimin e tij nëntëvjeçar në një nivel të lartë, pasi Reds regjistruan një fitore 2-0 ndaj Wolves në Anfield pas golave të pjesës së parë nga Alexis Mac Allister dhe Jarell Quansah. “Dua të them se ju dua, ishte absolutisht e jashtëzakonshme. Faleminderit për udhëtimin, jam shumë krenar për ju dhe jam shumë krenar që më është lejuar të jem pjesë e kësaj – tha Klopp -. Faleminderit shumë, qielli është kufiri për ju djem. Faleminderit”, përfundoi tekniku në largim i Liverpool.
The final fist pumps ✊ #DankeJürgen pic.twitter.com/3AVKomPygP
— Liverpool FC (@LFC) May 19, 2024
Pas bilbilit të fundit të ndeshjes, Klopp doli në fushë për t’iu drejtuar turmës vendase dhe për t’i falënderuar ata për mbështetjen e palëkundur gjatë gjithë kohës së tij në klub. Gjermani tha: “Jam plotësisht i befasuar, mendova se tashmë do të isha copë, të them të drejtën, por nuk jam. Jam shumë i lumtur, nuk mund ta besoj”.
Lexo më tej: Sekreti i Klopp: goditjet standarde të Liverpool orientohen nga inteligjenca artificiale
“Jam shumë i lumtur për të gjithë ju – vazhdoi Klopp -, për atmosferën, për lojën, për të qenë pjesë e kësaj familjeje, për ne, si e festuam këtë ditë. Është thjesht e pabesueshme. Shumë faleminderit”.
“I just want to say, I love you.” ❤️
Jürgen delivers a speech to his squad one last time 🗣️ #DankeJürgen pic.twitter.com/l8fKItD0av
— Liverpool FC (@LFC) May 19, 2024