Kevin De Bruyne tashmë e imagjinon të ardhmen e tij larg Mançesterit dhe Premier League. Belgu mund të dhurojë një dalje të papritur, duke përfunduar karrierën në një ekip krejtësisht të panjohur. Nuk është fantazi, por projekti i jetës i belgut që në moshën 33-vjeçare tashmë ëndërron një ndryshim të madh që do ta çonte në një kontinent të ri, në një territor ende të paeksploruar.
Sipas asaj që raportohet nga The Athletic, në fakt, De Bruyne po mendon të kalojë te San Diego FC, një ekip i MLS-së i krijuar vetëm një vit më parë. Ai ndoshta nuk do të largohet këtë verë, por do t’i japë vetes një raund të fundit me Manchester City në të cilin do të përpiqet të rrëmbejë rekorde të tjera dhe ndoshta të sjellë në shtëpi trofeun e dytë të Champions. Pas dhjetë viteve të kaluara te Citizens, po afron koha që ai të kthejë faqe, edhe pse ekipi që ka zgjedhur është disi i çuditshëm.
Lexo më tej: Manchester City, e bujshme: lojtari dëbohet nga festa për titullin
NJIHUNI ME SAN DIEGO
Ekipi i ri i qytetit të San Diego u krijua në maj 2023, duke mundur kandidaturën e Las Vegas për t’u bërë ekipi i 30 i MLS. Klubi amerikan do të luajë ndeshjen e tij të parë vetëm në vitin 2025, kur do të kalojë në stadiumin Snapdragon. Impianti ishte një nga problemet e mëdha që vonoi krijimin e ekipit, duke qenë se i vetmi i disponueshëm në të gjithë qytetin ishte shumë i madh dhe nuk i plotësonte standardet e MLS.
Për këtë motiv është e arsyeshme të pritet që De Bruyne të kalojë në Shtetet e Bashkuara vetëm në fund të kampionatit të ardhshëm, me parametër zero, kur kontrata e tij me Manchester City të ketë skaduar. Lajmi u përhap në të gjitha gazetat angleze, duke qenë se nga një lojtar i staturës së tij pritej një fund ndryshe në karrierën e tij, në një ekip më të fortë dhe jo në një klub që nuk ka luajtur asnjë ndeshje në të gjithë historinë e tij.
Por nuk mbaron këtu, sepse San Diego FC është krejtësisht një kantier ndërtimi në qiell të hapur. Skuadra aktualisht ka vetëm tre lojtarë në listën e saj: portierin amerikan Duran Feree, mesfushorin danez Jeppe Tverskov dhe sulmuesin danez Marcus Ingvartsen, të gjithë në huazim te ekipet e tjera dhe gati për t’u kthyer sapo të jepet drita jeshile nga MLS për regjistrimin në kampionat.
Klubi nuk ka zgjedhur as trajnerin e tij, proces që do të përfundojë vetëm gjatë vitit për të plotësuar organogramin. Në planet e drejtuesve është ideja e krijimit të një projekti me emra të rëndësishëm, aq sa përveç De Bruyne, tashmë është kontaktuar edhe Sergio Ramos.