Apeli i Posaçëm ka caktuar datën e nisjes së procesit për inceneratorin e Elbasanit. Mësohet se seanca e parë do të mbahet më 5 qershor në orën 11:30.
Gjykata e Posaçme e Apelit për Korrupsionin dhe Krimin e Organizuar ka regjistruar çështjen penale në lidhje me ankimin e SPAK ndaj ish-ministrit të Mjedisit, Lefter Koka, po ashtu dhe të të pandehurve të tjerë.
Tetorin e kaluar ish-ministri Lefter Koka u dënua me 5.8 vite burg, ndërsa Sekretari i Përgjithshëm i Ministrisë së Mjedisit, Alqi Bllako u shpall i pafajshëm. Me 6 vite e 8 muaj burg u dënuan edhe administratorët Klodian Zoto e Mirel Mërtiri dhe 4.8 vite Stela Gugallja.
Ndërsa anëtarët e komisionit të vleresimit të ofertave Pëllumb Abeshi e Jonida Zeqo me nga 4.8 vite burg. Vendimi është ankimuar nga të dënuarit që kërkojnë pafajësi, por edhe nga SPAK.