Mungojnë zyrtarizimet, por nuk ka dyshime se Kylian Mbappé nga sezoni i ardhshëm do të mbajë fanellën e bardhë të Real Madrid. Sulmuesi, të cilit i skadon kontrata me Paris Saint Germain, tashmë ka pranuar ofertën e Florentino Perez dhe do të formojë një repart ofensiv atomik së bashku me Bellingham dhe dy brazilianët e tmerrshëm Vinicius Jr dhe Rodrigo.
Në pritje të ratifikojë marrëveshjen me klubin e tij të ri, francezi nuk po humb kohë. Sipas gazetës La Razon ai tashmë ka blerë një mega vilë pranë kryeqytetit spanjoll. Çmimi i pronës është i ekzagjeruar, madje fqinji i tij i ri do të jetë një yll hollivudian.
SHTËPIA E RE E MBAPPÉ NË MADRID
10 majin e kaluar Kylian Mbappé e mbylli me Paris Saint Germain dhe tashmë është i fokusuar në aventurën e tij të re me Real Madrid. Kalimi do të fillojë pas Kampionatit Evropian dhe (ndoshta) Olimpiadës së Parisit. E ndërsa sulmuesi po përgatitet të bashkohet me klubin finalist të Champions, ai tashmë po mendon të vendoset në qytetin e tij të ri. Sipas La Razon ai ka blerë një shtëpi në zonën ekskluzive të La Moraleja, pikërisht pranë vilës së Richard Gere dhe përballë me atë të ish-Blancos Sergio Ramos.
Lexo më tej: Real Madrid, me Mbappé kthehen ‘Galacticos’: detajet e kontratës, roli e numri i fanellës
La Moraleja është një nga urbanizimet më ekskluzive në Madrid dhe ka avantazhin e të qenit vetëm 5 minuta nga Ciudad Deportiva e Real Madrid. Kjo e bën atë një vend më komod se opsioni i parë i Mbappé, La Finca, ku ai po mendonte të lëvizte kryesisht për arsye sigurie dhe privatësie. Sipas gazetës iberike nënshkrimi i aktit të shitjes është bërë dje.
![](https://lapsi.al/wp-content/uploads/2024/05/la-moraleja-mbappe-madrid-300x169.jpg)
Lojtarë të tjerë të Real jetojnë në atë kompleks, si Luka Modric, Vinicius Jr, Marco Asensio, Lucas Vázquez dhe Fede Valverde. Vila është ndërtuar në vitin 1996 dhe është komplet e rinovuar. Prona ka një sipërfaqe prej 3507 m2 dhe një truall mbi 10000 m2. Çmimi? Një shifër që varion nga 11 deri në 15 milionë euro…