“Gruaja në hije që ndriçon inteligjencën artificiale”, kështu e ka titulluar shkrimin për Mira Muratin që Lapsi. Al po sjell sot, Le Figaro Magazine. Shqiptarja që drejton sektorin e teknologjisë në OpenAI, pronaren e ChatGPT është truri prapa revolucionit të këtij softueri. Por është gjithashtu ajo që do të jetë në vijën e parë të çështjeve të abuzimit të dyshuar me të drejtën e autorit që ka nxjerrë në pah inteligjenca artificiale.
Në Silicon Valley, nuk mjafton të jesh i shkëlqyer apo i pasur për t’u vendosur në anën e mirë të Historisë dhe për të skalitur emrin tënd aty. Ju gjithashtu duhet të dini të merrni vendimet e duhura në kohën e duhur. Është pikërisht për këtë arsye që emrat e Ronald Wayne, John Sculley dhe Steve Wozniak ndoshta nuk do t’ju thonë asgjë.
I pari, i shiti 10% të aksioneve të Apple në 1976 për 800 dollarë.
I dyti ishte përgjegjës për largimin e përkohshëm të Steve Jobs.
I treti është përgjegjës për pothuajse të gjitha evenimentet mbi të cilët Apple ndërtoi suksesin fillestar, por ai gjithmonë ka jetuar nën hijen e Jobs.
A mund të ndodhë që Mira Murati t’i bashkohet kësaj liste ku bëjnë pjesë ata që nuk lënë gjurmë ne histori? Vetëm koha do ta tregojë.
Drejtoresha Teknike e OpenAI (aktualisht vlerësohet me 80 miliardë dollarë), ka lindur në Shqipërii prej dy prindërve mësues. Ajo fitoi eksperiencë në Goldman Sachs dhe Tesla. Pastaj, duke kaluar nëpër Leap Motion, ajo punoi drejtpërdrejt me David Holz – themeluesin e Midjourney, softuerit që ka pushtuar planetin duke krijuar imazhe të rreme, ultra-realiste.
LEXO ME TEJ:
Prezantohet Chat GPT-4o: Ç’mund të bëjë modeli i ri i inteligjencës artificiale
Zonja Murati është pjesë e këtij rrethi të vogël pionierësh që kanë shënuar përparimet teknologjike në themel të AI gjeneruese për dhjetë vjet. Javën e kaluar, ajo prezantoi tiparet e reja të versionit të ri të ChatGPT, GPT-4o, në një video njëzet e gjashtë minutëshe ku versioni më i fundit i softuerit tregon një efikasitet të jashtëzakonshëm.
Por pavarësisht aftësive të saj, Mira Murati nuk është ende e sigurtë se do të bëjë histori një herë e përgjithmonë.
Së pari, sepse ajo është një grua dhe pavarësisht diskursit ultra-progresiv dhe egalitar që mbretëron atje, bota teknologjike mbetet e dominuar nga meshkujt. Ka dhe një arsye tjetër, sepse ajo do të duhet të menaxhojë dy kriza të mundshme brenda muajve dhe viteve në vazhdim. E para është ndryshimi i vizionit të saj nga ai i CEO- së OpenAI, Sam Altman, i cili u shkarkua për pak kohë, nëntorin e kaluar, nga bordi i drejtorëve. Ai u rikthye shpejt në detyrë pasi 90% e punonjësve nënshkroi një letër solidariteti me të dhe se Microsoft, një nga investitorët më të mëdhenj në ChatGPT, kërcënoi se do të tërhiqej, nëse ai largohej.
Punonjësit kërcënuan me dorëheqje, OpenAI rikthen Sam Altman si CEO
Pas kthimit të Altman, shumëkush drejtoi gishtin nga Mita Muratit si përgjegjëse për këtë shkarkim. Ajo e mohon kategorikisht këtë version duke supozuar se me shefin i ndajnë thjeshtë një vizion dhe strategji e ndryshme – si Jobs dhe Wozniak në kohën e tyre në Apple.
Kundërsulmi i “New York Times”.
Një rrezik tjetër për shoqërinë ku ajo punon është marrëdhënia me të drejtat e autorit, siç tregohet nga padia e ngritur kundër OpenAI nga New York Times. Gazeta më e madhe e përditshme në Shtetet e Bashkuara ka punësuar në fakt dy pesha të rënda në avokati për të denoncuar përdorimin abuziv të artikujve të saj nga OpenAI. Përtej kompensimit financiar, këto padi mund të çojnë në praktikën gjyqësore që potencialisht mund ta shkatërronte kompanitë e specializuar në LLM (modelet kryesore të gjuhës, (shënimi i Lapsi.al) e cila e bazon programin e saj duke u mbështetur në përmbajtje mbi të cilat nuk ka të drejta.
Dhe Murati, shefe e teknologjisë në OpenAI, tashmë është vënë në vështirësi në këtë pikë nga gazetarët.
Kthesa e fundit: aktorja Scarlett Johansson e akuzoi kompaninë në fillim të javës se kishte përdorur zërin e saj për ChatGPT – edhe pse ajo kishte refuzuar në mënyrë specifike ofertën që i kishin bërë për këtë çështje.
Mbi këto tema, Mira Murati mbetet e paqartë. “Ky është një moment unik në historinë tonë ku ne mund të ndërmarrim veprime se si AI mund yë formësojë shoqërinë” tha ajo disa muaj më parë duke shtuar: “Si të sigurohemi që ajo do realizojë atë që ju kërkoni të bëjë duke siguruar se këtë e bën me qëllime njerëzore dhe në shërbim të njerëzimit?» Një pyetje e shkëlqyer, të cilës vetë Mira Murati nuk i është përgjigjur dot ende.
Vincent Jolly për Le Figaro Magazine, përktheu Lapsi.al
Suksesi ka anen e mire dhe anen e erret. Te shpresojme qe kjo vajza te jete ne gjendje te permendet si nje shqiptare e mire……
Daak,mos u shqetso,se nese do kete ndonje “problem”,do te turren “patronazhiset”perr t’a zgjidhur.
unë nuk e përjashtoj mundësinë që edhe dëshmitë, jo vetëm të njërit por edhe të disa ish-zyrtarëve të lartë të SHIK të kenë zënë pjesë, të jenë diskutuar në atë që quhet sesioni i mbyllur në këtë apel të zotit Berisha, një apel i paprecedent siç unë e përmendja dhe në kronikën që u transmetua.
Sa te kete cifute ne krye, ne hije do jete. Po tr jete e zgjuar, te krijoje dicka te veten.
“formesoje”- Ti jape forme, te formoje.. Mesoni te shkruani se Shqipja nuk eshte gjuhe shoqerie civile por gjaku i te pareve
Ndoshta eshte keshtu sic thone keta por ta degjosh miren kur flet eshte minimumi e dhimbshme ne mos e turpshme per nje CTO. Ka nje mungese te madhe fjalori dhe gjithmone flet ne menure gjenerale per cdo subjekt qe pyetet.